Iyi serivisi ifasha abayikoresha kongeresha agaciro ka viza. Dosiye isaba yakirwa n'abakozi b'Ubuyobozi Bukuru bw'Abinjira n'Abasohoka mu Gihugu (DGIE) bakanayitunganya.
Iyi dosiye itunganywa mu minsi 4.Igiciro cya serivisi kirahinduka.
Ibisabwa:
Abasaba bafite cyangwa badafite konti y’IremboGov bashobora gusaba iyi serivisi.
Kanda hano kugira ubone uko wafungura konti y’Irembo.
Abasaba serivisi bagomba kuba afite Ubwenegihugu n'Ubwoko bw'icyangombwa cy'inzira akoresha.
Niba usaba serivisi atizeye neza Ubwoko bwa Viza akwiye gusaba, agirwa inama yo kubaza mu biro by’Urwego rw’igihugu gishinzwe Abinjira n’Abasohoka anyuze kuri imeyili: visa@migration.gov.rw cyangwa agahamagara kuri +250 722 17 29 74 mbere yo gutangira gusaba.
Imigereka igenda ihinduka bitewe n’« Ubwoko bwa Viza » yasabwe. Imigereka rusange ikunze kwakwa ni:Ibaruwa isaba,Kopi y’urupapuro rw’ibiranga nyir’ubwite muri pasiporo ,Ifoto imeze neza ifite inyuma h’umweru.
Kanda hano usobanukirwe ubwoko bwa viza.
Urutonde rw’ubwoko bwa viza bushobora kongerwa:
Ubwoko bwa V1 (Ikiruhuko) ,Ubwoko bwa V2(Umuryango):ziba zifite agaciro k’iminsi 30 ku muntu winjira inshuro imwe,n’iminsi 90 ku binjira inshuro nyinshi.
Ubwoko bwa V3-2(Umudipolomate uba mu gihugu cy’abaturanyi ariko akanerebera u Rwanda):iba ifite agaciro k’imyaka 2.
Ubwoko bwa V4(Uje gushaka Akazi):iba ifite agaciro k’iminsi 90
Ubwoko bwa V6(Urugendo rw’ubushoramari):iba ifite agaciro k’iminsi 90
Ubwoko bwa V7(Kwivuza):iba ifite agaciro k’iminsi 90
Ubwoko bwa V9(Inzira):iba ifite agaciro k’imyaka 2 kugeza kuri 10
Ubwoko bwa V12(Amasezerano magirirane):iba ifite agaciro k’imyaka 10 ishobora kongerwa
Ubwoko bwa V10(Gutambuka):iba ifite agaciro ko kutarenza iminsi 90 ishobora kongerwa ku mpamvu zidasanzwe
Note:
Kongeresha viza bigomba gusabwa mbere yuko viza wahawe itakaza agaciro.
Iminsi 5 viza irangiye ufite viza ahabwa amahirwe yo kuba yagiye mu kindi gihugu (gusohoka mu Rwanda) cyangwa akaba yongereye viza ye yataye agaciro adaciwe amande; bitabaye ibyo, uwo muntu azacibwa amande kandi ashobora no kwimwa uburenganzira bwo kongererwa viza.
Kugira usaba yirinde amande,agomba gusaba indi viza mbere yuko iyo asanganywe ita agaciro.Amande ni 50,000 iyo utinzeho iminsi 6 kugeza kuri 15.Ingingo ya 58 y’Iteka rya Minisitiri rishyiraho uburyo n’amabwiriza agenga abinjira n’abasohoka, ishyira mu byiciro ibindi bihano ku muntu wakererewe kuva mu gihugu guhera ku minsi 16 kugeza ku mezi 9 no kuzamura.
Abasaba bagomba kuba bafite nomero ya telefoni ikora na imeyili.
Kurikiza izi ntambwe zikurikira ubashe gusaba indi viza:
Sura www.irembo.gov.rw ,hanyuma mu gice cy’ “Abinjira n’abasohoka” ,hitamo “Gusaba Viza”.
Hitamo “Gusaba indi viza”, hanyuma ukande “Saba”.
Uzuza “Amakuru y’usaba”.(Igiciro cya serivisi giterwa n’ubwoko bwa viza)
Uzuza Umwirondoro wuzuye w’usaba.
Uzuza Amakuru y’ibijyanye na dosiye isaba n’urugendo. Ibiro uzafatiramo icyangombwa bihitwamo bitewe n’aho usaba atuye.
Ongeraho imigereka yose isabwa,hanyuma ukande “Ibikurikira”.
Reba ko amakuru watanze ari yo, ushyiremo nomero ya telefone na/cyangwa imeyili (email) maze ukande kuri Emeza.
Niba viza ari ubuntu,ubusabe burahita bwoherezwa DGIE kugira butunganywe.
Niba viza atari ubuntu, Urahabwa nimero yo kwishyuriraho (88...) kugira ngo wishyure. Kanda kuri “Ishyura”.
Abasaba bahitamo uburyo bwo kwishyura; kugira ngo umenye byinshi ku buryo bwo kwishyura, kanda hano.
Icyitonderwa:Nyuma yo kwishyura, Uzamenyeshwa n’Ibiro Bikuru Bishinzwe Abinjira n’Abasohoka (DGIE) aho ubusabe bwawe bugeze.