Iyi serivisi igenewe ibigo nderabuzima byifuza guhagarika ibikorwa byabyo. Iyo ubusabe bwemejwe, icyemezo cyemerera ikigo gukora kiraseswa. Iyi serivisi itangwa na Minisiteri y’Ubuzima.
Igihe cyo gutunganya dosiye ni iminsi 30, kandi nta kiguzi gisabwa.
Ibisabwa mbere yo gusaba:
Abasaba bafite cyangwa badafite konti ya IremboGov bemerewe gusaba iyi serivisi.
Kugira ngo ufungure konti, kanda hano.
Kuba ufite nomero yemewe y’icyemezo cyemerera ikigo gukora.
Ikigo nderabuzima kigomba kuba gifite icyemezo cyo guhagarika ibikorwa byacyo.
Inyandiko zisabwa (2)
Ibaruwa isobanura impamvu zo gufunga ikigo
Icyemezo cy’uko nta musoro ugomba kwishyurwa
Kurikiza izi ntambwe zo gusaba gufunga ikigo nderabuzima
Intambwe ya 1:
Sura urubuga rwa IremboGov kuri www.Irembo.gov.rw. Mu cyiciro cya Serivisi z’Ubuzima, hitamo itangwa ry’uburenganzira bwo gutangira ivuriro.
Intambwe ya 2: Mu cyiciro cya Itangwa ry’uburenganzira bwo gutangiza ivuriro, hitamo “Gusaba gufunga ikigo cy’ubuvuzi”, hanyuma ukande kuri Saba.
Intambwe ya 3: Andika nomero y’icyemezo cyawe n’amakuru ajyanye n’ikigo nderabuzima (harimo impamvu yo kugifunga n’itariki ibikorwa bizahagarikirwaho). Hanyuma ushyire akamenyetso mu gasanduku kemeza (verification box).
Intambwe ya 4: Shyiraho inyandiko zisabwa hanyuma ukande kuri Ibikurikira
Intambwe ya 5:
Emeza ko amakuru watanze ari yo; andika nomero ya telefoni na/cyangwa aderesi ya imeyili, shyira akamenyetso mu gasanduku kemeza (verification box), hanyuma ukande kuri Ohereza.
Intambwe ya 6:
Hazahita hatangwa nomero y’ubusabe (B2……..) izagufasha gukurikirana aho dosiye yawe igeze.
Iyo ubusabe bwemejwe, icyemezo cyemerera ikigo nderabuzima gukora kiraseswa.